Müjdat Gezenin Səhhətində Problemlər Yarandı

Türkiyənin məşhur aktyoru və teatr xadimi Müjdat Gezen səhhətində yaranan problemlərdən danışıb.

Milli.Az xəbər verir ki, o, "Cümhuriyyət" qəzetindəki köşə yazısında sağlamlıq durumuna toxunaraq antidepresanlardan istifadə etdiyini və bunun bədənində qəribə təsirlər yaratdığını bildirib.

"Yazacaqlarıma cavabdeh deyiləm. Çünki həkimim mənə antidepresan dərmanlar yazıb. Öd kisəmi çıxartdırmaq məcburiyyətində qaldım və hazırda müalicə alıram. Bu yeni dərmanlar bədənimdə qəribə şeylər yaradır. Yazdıqlarım boşboğazlığa çevrilirsə, məsuliyyət daşımıram. Sağlamlığınıza diqqət edin. Sağlamlıq yaxşı olanda, qalanı asan olur," - deyə o qeyd edib.

Aktyorun bu açıqlamaları pərəstişkarlarını narahat edib. Onlar sosial mediada Gezenə sağlamlıq və uzun ömür arzulayan mesajlar yazıblar.