Mustafa Sandalın gənclik illərindəki həyat tərzi
Müğənni Mustafa Sandal, gənclik illərində idmanla məşğul olduğunu və keçmişdə bədən quruluşuna çox diqqət etdiyini açıqlayıb.
D.Sadi 0 10
Türkiyəli məşhur müğənni Mustafa Sandal, gənclik illərindəki həyat tərzi ilə bağlı maraqlı açıqlamalar verib. O, məktəbdə tennis qrupuna daxil edildiyini və 2002-2012-ci illər arasında idmanla ciddi şəkildə məşğul olduğunu bildirib. Sandal, o dövrdə gündə 35-40 dəfə tərəziyə çıxıb, bədəninin çəki fərqini izlədiyini və ən kiçik dəyişiklikdə psixologiyasının pozulduğunu qeyd edib.
Keçmişdə pəhrizinə çox ciddi yanaşan sənətçi, İskəndər kababı yeməkdən qaçdığını və bədənini qorumaq üçün daha çox kahı ilə kifayətləndiyini söyləyib. Lakin, zamanla həyatında dəyişikliklər edərək artıq idmanını həftənin 6 günü ilə məhdudlaşdırdığını bildirib.
