Mələykə Əsədova bacısı qızının xəstəlik ilə mübarizə aparmasından danışdı

Xalq artisti Mələykə Əsədova, bacısı qızının xərçəng xəstəliyi ilə mübarizə apardığını açıqlayıb. Aktrisa "Gün ortası" verilişində bu barədə danışıb və ailəsində yaşadığı çətin dövrü şərh edib. Mələykə Əsədova bildirib ki, son bir neçə ayda ailəsinin xəstəlikləri ilə bağlı çox ağır anlar yaşayıb: "Ailənin bütün yükü mənim üzərimdədir. Bu il mənim üçün çox çətin keçdi. İl başlayanda böyük bacım xəstələndi və onun müalicəsi ilə məşğul oldum. Bir neçə ay sonra isə bacımın tək qızı, kiçik bacım, ağır bir xəstəliklə üzləşdi. Onu demək olar ki, mən böyütmüşəm, yanımda qalıb və universiteti bitirib. Bu günlərdə o, xərçəng xəstəliyi ilə mübarizə aparır. Onun belə vəziyyətdə olması mənə çox pis təsir edir".