Məşhur aktyorlar ifadə verməyə çağırıldı

"İD Consultancy" şirkətinin sahibi Ayşe Barım barəsində başlanan istintaq çərçivəsində bir neçə məşhur aktyor daha ifadə verməyə çağırılıb.

Türk mediasına istinadən verilən məlumata görə, aktyorlar Mehmet Günsür və Rıza Kocaoğlu da ifadə vermək üçün dəvət edilənlər arasındadır. Şirkətlə müqaviləsi olan bütün aktyorların istintaqa dəvət ediləcəyi gözlənilir.

Jurnalist Fuat Uğurun "TV100"də yayımlanan məqaləsi kino və serial sektorunda böyük qalmaqala səbəb olub. Məqalədə "ID İletişim" şirkətinin bazarda inhisar yaratmaq cəhdləri və Serenay Sarıkaya ilə Mert Dəmir arasındakı "5 milyon dollar qarşılığında reklam əlaqəsi" iddiaları diqqətə çatdırılıb.

Bu məsələdən sonra Rəqabət Şurası bəzi idarəetmə şirkətləri, xüsusilə də Ayşe Barımın sahibi olduğu "ID İletişim" şirkəti ilə bağlı araşdırma başlatıb. Şirkət rəhbəri Ayşe Barım artıq saxlanılıb.