Məşhur britaniyalı aktyor vəfat edib

Britaniyalı məşhur aktyor Saymon Fişer-Bekker 63 yaşında vəfat edib. Ölümün səbəbi hələlik açıqlanmayıb.

Onun agenti Kim Berri bu barədə Metro.co.uk saytına məlumat verərək, aktyorun ailəsinə və pərəstişkarlarına başsağlığı verib. Berri, həmçinin bildirib ki, o, yalnız müştərisini deyil, həm də 15 il ərzində dostluq etdiyi bir insanı itirib.

Agentin sözlərinə görə, Saymon Fişer-Bekker böyük köməklik göstərən, xeyirxah və həssas bir insan olub. Onun aktyorluq bacarığı ilə yanaşı, natiqlik qabiliyyəti də xüsusi qeyd olunub.

Saymon Fişer-Bekker 1990-cı ildə "Romanın yeddi təpəsi" filmində "Mağaza meneceri" rolunda debüt edib. Lakin o, daha çox "Harri Potter və fəlsəfə daşı" filmindəki "Kök keşiş" obrazı ilə məşhurlaşıb. Aktyor, həmçinin "Doctor Who" ("Doktor Kim") serialında yadplanetli qara bazar alverçisi Dorium Meldovarı da canlandırıb.

Fişer-Bekkerin filmoqrafiyasında 30-dan çox rol yer alır. O, kinodan əlavə, teatrda da fəaliyyət göstərib.