Məşhur "Kral şir" filmlərinin 3 milyard dollar qazancı
"Kral Şir" franşizası kassada 3 milyard dollardan artıq gəlir əldə edib. 1994-cü ildən bəri bu animasiya və onun yenilənmiş versiyası böyük uğur qazanaraq dünya kassa gəlirlərində əhəmiyyətli bir iz buraxıb.
D.Sadi 0 1
"Kral Şir" franşizası kinoteatrlarda ümumi 3 milyard dollar qazanc əldə edib.
Bu barədə məşhur "Variety" nəşri məlumat yayıb. Dekabr ayında yayımlanan "Mufasa: Kral Şir" filmi keçən həftə sonu 476 milyon dollarlıq ümumi gəlir əldə edərək franşizanın gəlirini daha da artırıb.
Orijinal "Kral Şir" cizgi filmi 1994-cü ildə 968 milyon dollar gəlir əldə edib, 2019-cu ildə isə yeni versiyası 1,6 milyard dollara yaxın qazanmışdı.
Ancaq "Mufasa" filmi, Yeni il ərəfəsində təqdim edilməsinə baxmayaraq, hələ də istehsal xərclərini geri qazana bilməyib. Filmin çəkilişi ilə bağlı marketinq xərcləri nəzərə alınmadan 200 milyon dollardan çox xərc sərf edilib.
