Məşhur müğənni zorlamada ittiham olundu

İsraildə məşhur müğənni Moşiko Mor zorlamada ittiham olunaraq saxlanılıb. Hadisə ilə bağlı olaraq, zərərçəkən qadın polisə şikayət ərizəsi verib. Qadının verdiyi ifadəyə əsasən, hadisə Təl-Əvivdəki mənzildə baş verib və qadın, həmin hadisəni dəstəkləyən tibbi sənədlər təqdim edib.

Müğənni Mor isə bütün ittihamları rədd edərək, cinsi əlaqənin hər iki tərəfin razılığı ilə baş verdiyini bildirib. Hazırda o, ifadəsi alınmaq üçün polis bölməsinə aparılıb və yaxın zamanda məhkəmə qarşısına çıxacaq. Məhkəmə, onun həbs müddətinin uzadılması məsələsinə baxacaq. Həmin vaxt tərəflər arasında qarşıdurma baş verə bilər. Hazırda Mor yalnız şübhəli şəxs olaraq qəbul edilir və onun günahı sübuta yetirilməyib.