Namiq Qaraçuxurluya sürpriz bayram payı

Meyxanaçı Namiq Qaraçuxurlu başına gələn maraqlı hadisəni sosial media hesabında izləyiciləri ilə paylaşıb.

Sənətçinin avtomobilinin şüşəsi ilə şüşətəmizləyəninin arasına kimsə bayram payı – şirniyyat qoyub. Meyxanaçı bu sürprizi kimin etdiyini öyrənmək üçün müxtəlif yerlərə zəng etsə də, cavab tapa bilməyib.

"Salondan çıxırdım, oraya, hər yerə zəng vurdum, amma tapa bilmədim kim edib. Yəqin ki, tanımadığım şəxslərdir. Təşəkkür edirəm, çox xoş oldu. Ola bilər tanıdığım biridir, amma tanımadığım biridirsə, lap xoşdur. Keçəndə yəqin maşınımı tanıyıb. Belə şeylər adətən olmur. Adətən qoparıb aparırlar. Kimsə mənim üçün bayram payı qoyub. Çox sağ olsun", – deyə Namiq paylaşımında bildirib.

İzləyicilər bu hadisəni maraqla qarşılayıb və sənətçiyə bayram əhval-ruhiyyəsi bəxş edən şəxsin kimliyinin müəmmalı qalması diqqət çəkib.