Nişan üzüyünü cəmi 12 dollara satdı

Dünya şöhrətli müğənni və aktrisa Selena Qomez nişanlısı Benni Blankonun ona hədiyyə etdiyi zinət əşyasını cəmi 12 dollara satıb.

Cütlüyün münasibətlərinin ilk illərində müğənniyə verilən "Jacquie Aiche" brendinə aid üzük "12 gün həqiqətən nadir şeylər" kampaniyası çərçivəsində satışa çıxarılıb.

Üzərində "B" hərfi olan və xüsusi hazırlanmış brilyant üzüyün ilkin dəyəri 3250 dollar olub. Zinət əşyasının ümumi çəkisi 0,44 əyyar qiymətli daşlarla bəzədilib. Kampaniya çərçivəsində isə cəmi 12 dollara satılıb.

Qeyd edək ki, Selena və Benni Blankonun birgə "I Said I Love First" adlı albomları işıq üzü görmək üzrədir.