Qarlı havada yaşadığı qorxulu anları bölüşdü

Əməkdar artist Nüşabə Ələsgərli bir proqramda qarlı havada yaşadığı çətin və təhlükəli anları xatırlayıb.

Sənətçi bildirib ki, yeni aldığı avtomobili ilə Yasamal rayonunda bir həmkarının evinə qonaq gedib. Axşam saatlarında yola çıxanda yerin buz olduğunu görüb və ehtiyatlı olmağa çalışıb. Lakin "Tri korona" istiqamətində hərəkət edərkən avtomobilin əyləci işləməyib və maşın sürətlə üzüaşağı hərəkət edib.

"Qarşıda uşaqlar oynayırdı. Heç bilmədim nə edim. Avtomobil dayanmadı, sürətlə aşağıya doğru gedirdi. Necə qışqırdımsa, Allahın möcüzəsi baş verdi. Maşın qəfil fırlanıb üzüyuxarı dayandı. Heç belə möcüzə görməmişdim. Məni soyuq tər basdı. Şükürlər olsun ki, heç kimə dəymədim və faciənin qarşısı alındı," - deyə sənətçi hadisəni nəql edib.