Mühafizəçisi jurnalistləri məclisdən uzaqlaşdırdı

Müğənni Mətanət Əsədova öz doğum günü məclisində jurnalistlərin iştirakına icazə verməyib. Onun mühafizəçiləri media nümayəndələrinə qarşı kobud davranaraq onların məclisə daxil olmasını qadağan edib.

Məsələ ilə bağlı aparıcı Zümrüd Bədəlova "Gün ortası" verilişində danışaraq mühafizəçilərin qeyri-etik davranışını tənqid edib:

"Mətanət xanım yaxşı ifaçıdır, lakin şəxsi münasibətlərin efirə təsiri olmamalıdır. Qarlı havada media nümayəndələri sizi təbrik etmək üçün gəlmişdi. Lakin mühafizəçiniz müxbirlərdən birinə 'digərlərini çölə atdırdım, elə etməyin ki, sizi də atım' deyib. Bu, mətbuata qarşı hörmətsizlikdir. Əgər istəmirdinizsə, sadəcə kameraların söndürülməsini xahiş edə bilərdiniz."

Aparıcı əlavə edib ki, Mətanət Əsədovanın mətbuata belə münasibət göstərməsi gözlənilməz olub və bu cür hallar medianın sənətçilərə olan dəstəyinə təsir göstərə bilər.