Qızı Aysunun boşanma xəbərlərinə reaksiya verdi

Müğənni Rəqsanə İsmayılova, qızı Aysun İsmayılovanın boşanma xəbərlərinə sosial media hesabında canlı yayım vasitəsilə reaksiya verib. O, ailələrdə hər zaman çətinliklər və problemlərin ola biləcəyini, amma bunun dərhal boşanmağa səbəb olmasının lazım olmadığını bildirib. Rəqsanə, insanın həyatında anlaşılmazlıqların ola biləcəyini və hər iki tərəfin zamanla barışa biləcəyini vurğulayıb. "Həyat belədir, hər şey ola bilər. Aysunun öz fikirləri var, o böyük insandır və həyatının ən doğru qərarlarını verir. Ramilin də fikri var və kiminsə ailəsi hər zaman mükəmməl olmur. Mən bir ana olaraq, uşağım barədə nə danışılırsa, cavab verməliyəm. Aysunun əri də qeyd etdi ki, xarakter fərqlilikləri səbəbindən söz-söhbət yaranıb. Aysun həmişə xoşbəxt bir ailə arzusunda olub", deyə Rəqsanə sözlərinə əlavə edib.