Rafael İsgəndərov: "Həftəsi 60 min dollara olan aktyorlar gətirin, görək necə olur"

Əməkdar artist Rafael İsgəndərov sosial şəbəkələrdə yazılan tənqidlərə cavab verib. Aktyor, "İncə səhər" verilişində bu məsələyə toxunaraq, filmlərdə eyni aktyorların rol almasının tənqid olunmasına narazılığını ifadə edib:

"Biz çox çalışırıq, yaxşı işlər ərsəyə gətiririk, amma bəzən şərhlərdə bizim əziyyətimizə düzgün qiymət verilmir. Bəzən deyirlər ki, niyə eyni aktyorlar təkrar- təkrar rol alır? Hər bir tamaşaçı öz fikrini söyləməkdə haqlıdır, amma bəzən həqiqətən çox az dəyər verilir. Elə tənqid edənlərə deyirəm ki, gedin, həftəsi 60 min dollar maaş alan türk aktyorlarını gətirin, görək, iş necə olacaq. Biz heç vaxt tamaşaçıdan gileylənmirik, çünki hər zaman deyirəm: 'Mən tamaşaçıya dəyər verirəm, bizə də dəyər verən tamaşaçıdır'."

Isgəndərov qeyd edib ki, tamaşaçıların tənqidinə hörmətlə yanaşır, amma işlərinə hər zaman hörmət edilməsini istəyir.