Xalq artisti Natiq Şirinovun oğlu Ümid təcili əməliyyat olunub
Ümidin həyat yoldaşı Fatimə, baş verən hadisə barədə məlumat verib.
D.Sadi 
Xalq artisti Natiq Şirinovun oğlu Ümid, son zamanlarda baş verən narahatlıq səbəbindən Türkiyənin İstanbul şəhərində təcili əməliyyat olunub. Məlumata görə, Ümid konsertdən sonra özünü yaxşı hiss etməyib və dərhal əməliyyat edilmək üçün xəstəxanaya yerləşdirilib. Həyat yoldaşı Fatimə, sosial mediada bu barədə paylaşım edərək, Ümidin vəziyyətinin getdikcə yaxşılaşdığını bildirib və Allahdan şəfa diləyib.
Fatimə bu hadisənin ailələri üçün çox çətin olduğunu qeyd edib, ancaq şükürlər olsun ki, vəziyyətin yavaş-yavaş yaxşılaşdığını söyləyib. O, həmçinin, "Allah heç kəsi canı ilə sınamasın" ifadəsini də əlavə edib.
Qeyd edək ki, Fatimə Xalq artisti Alim Qasımovun nəvəsi və Əməkdar artist Fərqanə Qasımovanın qızıdır. Ümid və Fatimənin Şəms adlı bir qızı var. Həmçinin, bu gün Natiq Şirinovun 49 yaşını tamamladığı bildirilir.
