Rihanna 2024-cü ildə spirtli içkilərdən imtina etdi

Məşhur müğənni Rihanna, 2024-cü il boyunca spirtli içkilərdən imtina etdiyini açıqlayıb. Müğənni, bu məlumatı "Instagram" hesabında yayımladığı videoda, 2025-ci ilə dostları ilə birlikdə otel otağında daxil olduğunu göstərərək paylaşıb. Yeni ili sadə şəkildə qeyd edən Rihanna, bütün il boyunca içki qəbul etmədiyini bildirib.

"Yeni il, yeni mən" deyə paylaşımında qeyd edən Rihanna, 2025-ci ildə də ayıq həyat tərzi sürüb-sürməyəcəyinə dair hər hansı bir açıqlama verməyib. O, dostları ilə birlikdə telefon vasitəsilə canlı yayımı izləyərək yeni ili qarşılayıb.

Eyni zamanda, Rihanna ilə bağlı hamiləlik şayiələri də yayılıb. Pərəstişkarları, müğənninin yeni profilindən çəkilən fotolarında onun paltarının qarın nahiyəsini vurğuladığını iddia ediblər. Hələlik Rihanna bu xəbəri təsdiqləməyib və heç bir şərh verməyib, lakin sosial şəbəkələrdə onu təbrik edənlər çox olub.

Rihanna 2020-ci ilin noyabrında reper A$AP Rocky ilə münasibətə başlayıb. Cütlük 2022-ci ilin yanvarında ilk uşaqlarını gözlədiklərini elan edib. 2022-ci ilin mayında onların oğulları RZA Atelston Mayers dünyaya gəlib, 2023-cü ilin avqustunda isə ikinci oğulları Riot Rouz Mayers doğulub.