Xalq artisti Aygün Kazımova gənc və formada qalmasının sirrini açıqlayıb. Müğənni bildirib ki, bunun üçün ciddi rejimə riayət edir və özünə xüsusi vaxt ayırır.
Xalq artisti Aygün Kazımova gözəlliyini və enerjisini necə qoruduğundan danışıb. Müğənni "Qonaqcanlı" verilişində qonaq olarkən bildirib ki, bunun üçün xüsusi rejimə əməl edir və hər gün özünə vaxt ayırır:
"Bu, böyük əməkdir. Özünə bu qədər vaxt sərf edib, özünlə məşğul olmaq, özünü sevmək... Bütün bunlar vaxt tələb edir. Çalışıram günümü elə qurum ki, bunları çatdıra bilim."
A.Kazımova rejiminin çox dəqiq olduğunu və buna ciddi yanaşdığını vurğulayıb:
"Əvvəllər 24 saat kimi görürdüm, indi isə 18 saat hesab edirəm. Səhər 5-6-da, ən gec 8-də oyanıram. Tez yatıram və rejimə çox fikir verirəm. Bəzən yorulsam da, bunu efirdə büruzə vermirəm. Amma çəkimdə hiss olunur. Yorulan kimi özümə bəzi qadağaları qaldırıram ki, toparlanım."
Pop kraliça sağlam həyat tərzinin və nizamlı qrafikin onun gənc və enerjili qalmasının əsas sirri olduğunu bildirib.
