Röya Ayxan "DOL" adlı yeni mahnısı ilə dinləyiciləri heyran etdi-VİDEO
Pop müğənni Röya Ayxan "DOL" adlı yeni mahnısını təqdim edib. Mahnının sözləri OGB-yə, musiqisi isə Kazım Cana məxsusdur. İstanbulun metro stansiyalarında çəkilən klipi ilə mahnı, fərqli üslubu və enerjisi ilə diqqət çəkir.
AsimanFərzəliyeva 
Pop kraliçası Röya Ayxan, yeni mahnısı "DOL"u təqdim edib. Mahnının sözləri OGB-yə, musiqisi isə Kazım Cana aiddir. Fərqli bir üslubda olan bu mahnı, rəngarəng klipi ilə də dinləyicilərinin diqqətini çəkib.
Mahnıya çəkilən klip İstanbulun metro stansiyalarında lentə alınıb və Türkiyənin məşhur rejissorları Samet Eruzun və Ümit Şahin tərəfindən idarə olunub. Onlar əvvəlki layihələrində Simge, KÖFN, Emre Fel kimi tanınmış sənətçilərlə də çalışıblar.
Klipdə Röya Ayxan, iki qeyri-adi və fərqli geyimdə görünür, onu isə dinamik rəqqaslar müşayiət edir. Görüntülər, metro stansiyalarının unikal atmosferində çəkilmiş və hər səhnə cəlbedici enerji ilə doludur.
