Şəhla Həsənli "Beniz"i məhkəməyə verdi

Blogger Şəhla Həsənli, "Beniz" ləqəbli məşhur tiktoker Aybəniz Xəlilovanı, xüsusi ittiham qaydasında məhkəməyə verib. Şəhla Həsənli, tiktokerin canlı yayımlarda onun qızını ölümlə hədələdiyini və ailə üzvlərinin şəkillərini saxta profillərdə yayımladığını iddia edib. Məhkəmə prosesində qarşı tərəfin vəkili iştirak etmədiyi üçün məhkəmə təxirə salınıb.

Bundan əlavə, "Beniz" ləqəbli tiktokerin adı digər bir cinayət işi ilə bağlı da hallanır. O, sevgilisini 836 min manat məbləğində pul tələb edərək şantaj etməkdə ittiham edilir və cinayət məsuliyyətinə cəlb edilib. Tiktokerin barəsində əvvəlcə həbs, sonra isə ev dustaqlığına qərar verilmişdi. Bu əməl nəticəsində zərərçəkmiş şəxs Xalid Kərimov hüquq-mühafizə orqanlarına müraciət edərək, işin yenidən nəzarətə götürülməsini istəyib.