"Savadsız həkimlərlə savaşım bu gün nəticələndi"

Xalq artisti Flora Kərimova illərdir apardığı hüquqi mübarizənin ilk nəticəsini aldığını bildirib. O, savadsız həkimlərə qarşı savaşının sona çatmadığını və Ali Məhkəməyə qədər gedəcəyini vurğulayıb.

2021-ci ildə plastik cərrah Sevinc Heydərova tərəfindən uğursuz göz əməliyyatı keçirən sənətkar bu hadisədən sonra hüquqi yolla mübarizəyə başlayıb. Məhkəmə proseslərinin çətin və mürəkkəb olduğunu bildirən Kərimova, bu günə qədər qarşı tərəfin saxta sənədlər və sübutlarla müdafiə olunduğunu iddia edib.

“Bu haqqın, düz sözün qələbəsidir. Çox insanın sağlamlığının qorunması üçün vacib bir addım atıldı. Ancaq mən bu mübarizəni sona qədər davam etdirəcəyəm. İşim hazırda Ali Məhkəmədədir və son nəticəyə qədər dayanmayacağam,” – deyə sənətkar bildirib.

Flora Kərimova, bu mübarizədə ona dəstək olan vəkillərinə və məsələnin ictimailəşməsində rol oynayan şəxslərə təşəkkür edib. O, səhiyyə sistemindəki neqativ halların aradan qaldırılması üçün belə hadisələrin ədalətlə araşdırılmasının vacibliyini vurğulayıb.

Qeyd edək ki, sənətkar məhkəmə prosesinin davam etdiyini və yekun qərarın Ali Məhkəmədə veriləcəyini bildirib.