Serdar Ortaç və Mehmet Ali Erbil haqqında saxlanılma qərarı verildi

İstanbulda qanunsuz mərc oyunlarına təşviq iddiası ilə bağlı aparılan istintaq çərçivəsində 23 nəfər barədə saxlanılma qərarı verilib. Şübhəlilər arasında məşhur müğənni Serdar Ortaç, teleaparıcı Mehmet Ali Erbil, keçmiş futbolçu Batuhan Karadeniz və sosial media fenomenləri İbrahim Yılmaz, Muzaffer Zorbey Erkoçlar, Sefa Caner Sarıçam kimi tanınmış simalar da yer alır.

İstanbul Respublika Baş Prokurorluğu tərəfindən həyata keçirilən əməliyyat nəticəsində 16 nəfər saxlanılıb, digər beşinin xaricdə olduğu və iki nəfərin axtarışının davam etdiyi bildirilir. Qanunsuz mərc oyunları ilə əlaqəli olaraq, hüquq-mühafizə orqanları tərəfindən başlatılan əməliyyatlar davam edir.

Əməliyyatın genişlənməsi ilə əlaqədar, polis qüvvələri digər şübhəlilərin tutulması üçün əlavə araşdırmalar aparır.