"Serialı Nargilənin mahnıları ilə bəzədim"

Türkiyəli aktyor Ozan Akbaba Gürcüstanda yaşayan azərbaycanlı aşıq Nargilə Mehdiyeva ilə bağlı maraqlı açıqlamalar verib. O, İbrahim Selimin proqramında qonaq olarkən "Çırak" serialının musiqilərinin hazırlanması prosesindən danışıb.

"Mahnılar da orijinaldır. Gürcüstanda yaşayan tərəkəmə dostum var – Nargilə Mehdiyeva. O, nadir qadın aşıqlardan biridir. Bilirsiniz ki, aşıq sənəti Dədə Qorquddan günümüzə qədər gəlib çıxıb və hazırda Qafqazda daha canlı şəkildə yaşadılır. Nargilədən xahiş etdim, o da Uşakda bir proqramda iştirak edirdi. Oradan qayıdarkən İzmirdə bacım və qardaşımın olduğu evdə mahnıları lentə aldılar. Bütün serialı onun ifa etdiyi mahnılarla bəzədim. Ortaya mükəmməl bir iş çıxdı. Soundtrack olaraq çox nadir bir yanaşma seçdik. Serialdakı mahnılar səhnələrə uyğun şəkildə hazırlandı", – deyə aktyor bildirib.