Şeyx Səudiyyə Ərəbistanının himnini Hans Zimmerə həvalə etdi

Səudiyyə Ərəbistanı məşhur alman bəstəkarı Hans Zimmerə ölkə himninin yeni versiyasını hazırlamağı təklif edib. Hal-hazırda bu barədə danışıqlar ölkənin Əyləncə üzrə Baş İdarəsinin rəhbəri Turki Al aş-Şeyx tərəfindən aparılır. Zimmerin daha bir neçə musiqi layihəsində iştirak etməsi də planlaşdırılır.

Zimmerin karyerası çoxsaylı uğurlu layihələrlə zəngindir. O, "Kral şir" cizgi filminin musiqisinə görə "Oscar" mükafatı qazanıb. Bundan əlavə, Zimmer "Rain man", "Gladiator", "Karib dənizinin quldurları", "Şerlok Holms" və "Dark Knight" filmləri də daxil olmaqla 150-dən çox layihəyə musiqi bəstələyib.