Sezen Aksudan Yeni Mahnı Sürprizi

Türk musiqisinin əfsanəvi simalarından biri olan Sezen Aksu, 2025-ci ilə addım atarkən, azarkeşlərinə böyük bir sürpriz etdi. 2016-cı ildən sonra səhnə fəaliyyətini dayandıran sənətçi, illər sonra yeni bir mahnı buraxdı. Sözü və musiqisi tamamilə özünə məxsus olan "Üşüdüm" mahnısı musiqisevərlərlə görüşdükdən dərhal sonra böyük maraqla qarşılandı.
Son olaraq Kanal D-nin "Uzak Şehir" serialının musiqilərinə imza atan Aksu, bu dəfə tamamilə özünün bəstələdiyi mahnı ilə geri döndü. "Üşüdüm" mahnısı yayımlandığı andan etibarən sosial şəbəkələrdə bəyənmə və şərh yağışına tutuldu.