"Sizi Hər An Gözəl İnsan Kimi Xatırlayacağam"

Əməkdar artist Gülbahar Şükürovanın ölümündən bir il ötüb. Müğənni Elnur Məmmədov, musiqçi ilə son danışığını "Instagram" hesabında paylaşıb.

"Ölümündən öncə danışığımız... Həddindən artıq böyük hörmətim olan çox gözəl insan, xanım, sənətkar və sadiq dost. Allah sizə rəhmət eləsin, ruhunuz şad olsun. Sizi hər an gözəl insan kimi xatırlayacağam və xoş əhvalla anacam" deyə, sənətçi paylaşımına qeyd edib.

Xatırladaq ki, Gülbahar Şükürova uzun sürən xərçəng xəstəliyindən dünyasını dəyişib.