Tacir Şahmalıoğlu Qarabağa köçmək istəyir

Tanınmış müğənni Tacir Şahmalıoğlu, Qarabağa köçmə arzusunu açıqlayıb. "Qonaqcanlı" verilişində açıqlama verən sənətçi, Qarabağın ən gözəl səsə sahib insanları yetişdirdiyini vurğulayıb. O, Bakıdan fərqli olaraq Qarabağda doğulmuş insanların səsinin daha təbii və gözəl olduğunu qeyd edib.

Müğənni, aparıcı Aytəkin Mərdanova “Ağdama köçəcəksinizmi?” sualına, "Müəllim kimi qalan ömrümü orada keçirə bilərəm" cavabını verib. Həmçinin Tacir Şahmalıoğlu, Qarabağ Universitetində çalışmaq arzusunu da dilə gətirib: "Əlbəttə, gedərəm, köçərəm və yaxşı tələbələr hazırlayarım", – deyə o bildirib.