Tarık Akanın Oğlu da Məşhur İmiş
"Yeşilçam"ın əfsanəvi aktyoru Tarık Akanın oğlu Barış Üregül həm aktyorluq karyerası, həm də iş dünyasındakı uğurları ilə diqqət çəkir.
AsimanFərzəliyeva 
Türk kinosunun unudulmaz simalarından biri olan Tarık Akanın oğlu Barış Üregül də atasının yolunu davam etdirən tanınmış simalardan biridir.
Barış Üregül 19 sentyabr 1986-cı ildə İstanbulda anadan olub. Tarık Akanın əsl soyadını daşıyan Üregül, atasından fərqli olaraq sənət dünyasından tam uzaq deyil. O, həm aktyor kimi tanınıb, həm də iş dünyasında uğurlu karyera qurub.
2009-cu ildə "Deli Deli Olma" filmi ilə aktyorluq karyerasına başlayan Barış Üregül geniş tamaşaçı kütləsi tərəfindən "Pis Yedili" serialında canlandırdığı Ferit obrazı ilə tanınıb.
Hazırda o, özəl bir məktəbin idarə heyətinin sədri vəzifəsində çalışır.
Barış Üregül şəxsi həyatında da diqqət çəkir. 2017-ci ildə müğənni Asya Engin ilə evlənib və bu evlilikdən Gece adlı bir qız övladları dünyaya gəlib.
Atasının mirasını layiqincə davam etdirən Barış Üregül həm iş, həm də sənət çevrələrində tanınan və izlənilən adlardan biridir.
