24 yaşlı sosial media fenomeni avtomobil qəzasında həyatını itirdi
Türkiyənin Manisa bölgəsində baş verən yol qəzasında sosial media fenomeni Gizem Özmen və avtomobilin sürücüsü faciəvi şəkildə dünyasını dəyişib.
AsimanFərzəliyeva 
Türkiyənin Manisa vilayətinin Kırkağaç rayonunda dəhşətli yol qəzası baş verib. Nasazlıq səbəbindən yolun kənarında dayanan tankerin arxasına çırpılan avtomobildə olan iki nəfər dünyasını dəyişib.
Həyatını itirənlərdən biri, sosial mediada "Lavinia Özmen" adı ilə tanınan 24 yaşlı fenomen Gizem Özmen olub. Hadisə yerinə dərhal jandarma, təcili tibbi yardım və xilasetmə qrupları cəlb edilib. Aparılan araşdırmalara görə, avtomobilin sürücüsü və Gizem Özmen qəza zamanı hadisə yerində dünyasını dəyişiblər.
Məlumata görə, Gizem Özmen TikTok platformasında 155 min izləyici kütləsinə malik idi və onun paylaşımları geniş auditoriya tərəfindən maraqla izlənirdi.
Qəza ilə bağlı araşdırmalar davam etdirilir.
