Tiktoker Zəhra Abbasova ev dustaqlığına buraxıldı

Tiktoker Zəhra Abbasova, Bakı Apellyasiya Məhkəməsinin qərarı ilə ev dustaqlığına buraxılıb. Qaynarinfo "Unikal"a istinadla xəbər verir ki, Bakı Apellyasiya Məhkəməsində keçirilən prosesdə onun barəsində seçilmiş həbs-qətimkan tədbiri ev dustaqlığı ilə əvəz olunub.

Lakin, Nərimanov Rayon Məhkəməsinin qərarı ilə Zəhra Abbasova barəsində 4 aylıq ibtidai istintaq davam edir. Yaxınlarda, sosial şəbəkələrdə əxlaqsızlığın təbliğinə qarşı keçirilən əməliyyat nəticəsində polis tərəfindən saxlanılan tiktoker, Cinayət Məcəlləsinin 234.1-1-ci maddəsi ilə ittiham edilib. Bu maddə, satış məqsədi olmadan külli miqdarda narkotik vasitələr və psixotrop maddələrin saxlanması və ya daşınmasını nəzərdə tutur.

Qeyd edək ki, "TikTok" əməliyyatının istintaqı Daxili İşlər Nazirliyinin Kibercinayətkarlıqla Mübarizə Baş İdarəsi tərəfindən aparılır.