Serenayın menecerinə beynəlxalq səyahət qadağası
Ayşe Barım, məşhur sənətçilərin meneceri, ölkədən qaçma şübhəsi ilə beynəlxalq səyahət qadağası ilə qarşı-qarşıya qalıb. O, serial və film sənayesindəki monopoliyaya səbəb olmaqla ittiham olunur.
AsimanFərzəliyeva 
Türkiyədə məşhur menecer Ayşe Barım, serial və film sənayesindəki monopoliyaya səbəb olmaq iddiaları ilə istintaqa cəlb edilib. Onun, ölkədən qaçma ehtimalına qarşı beynəlxalq səyahət qadağası qoyulub.
Ayşe Barım, tanınmış sənətçilərdən biri olan Serenay Sarıkaya'nın meneceridir. İstanbul Baş Prokurorluğu, Barımın idarə etdiyi şirkətlərdə inhisarçılıq və zorakılıq iddialarını araşdırır və buna görə MASAK ilə Vergi İdarəsi Başçılığına hesabat tələb edib.
İstintaq çərçivəsində, Barımın şirkətində çalışan Serenay Sarıkaya və Mert Demir, "5 milyon dollarlıq reklam işi" ilə bağlı ifadə verəcəklər. İddialara görə, bu reklam əlaqəsinin real olmadığı və iş adamı tərəfindən verilən 5 milyon dolların çirkli pul yuyulması və vergidən yayınma məqsədilə istifadə edildiyi qeyd edilib.
İstanbul Respublika Prokurorluğu, sosial mediada yayılan iddialara ciddi yanaşaraq, maddi həqiqəti ortaya çıxarmaq məqsədilə araşdırmalarına davam edir. İstintaqda şantaj və iş azadlığının pozulması kimi məsələlər də nəzərdən keçirilir.
