Xalq artisti Hacı İsmayılov bağ evini satır-FOTO
Azərbaycanın tanınmış Xalq artisti, kino və teatr aktyoru Hacı İsmayılov, bağ evini satmağa qərar verib. Onun sözlərinə görə, həyat yoldaşının yerimə qabiliyyətini itirməsi səbəbindən bu addımı atıb.
AsimanFərzəliyeva 
Azərbaycanın Xalq artisti, məşhur kino və teatr aktyoru Hacı İsmayılov bağ evini satışa çıxarıb. O, Buzovnada yerləşən bağ evini ötən ilin əvvəllərində həyat yoldaşının arzusuna uyğun almışdı. Məqsəd yay aylarında burada dincəlmək və istirahət etmək olub. Lakin sonradan həyat yoldaşı dizindən əməliyyat olundu və artıq yerimə qabiliyyətini itirdiyi üçün bu bağ evinə gəliş-gediş çətinləşib. Buna görə də Xalq artisti mülkü satmaq qərarına gəlib. Bağ evinin sahəsi 4,5 sotdur və 3 yataq otağı, 1 qonaq otağı mövcuddur. Həyətində nar, üzüm, tut, əncir və digər meyvə ağacları var. Xalq artisti bağ evini 80,000 manata təklif edir.
