"Ən çox Ərdoğanla olan fotomu bəyəndilər"-FOTO

Ermənistanın Baş naziri Nikol Paşinyan bildirib ki, sosial media istifadəçiləri onun Nyu-Yorkda Türkiyə Prezidenti Rəcəb Tayyib Ərdoğanla çəkilmiş fotosunu digər paylaşımlarından daha çox bəyəniblər.

O, bu barədə Türkiyə mediasına verdiyi müsahibədə danışıb: "İlk baxışda sadə görünə bilər, amma əslində olduqca simvolikdir. Məsələn, Nyu-Yorkda müxtəlif ölkə liderləri ilə görüşlərimdən fraqmentlər paylaşmışdım. Sonradan geri dönüb baxanda gördüm ki, sosial şəbəkə istifadəçiləri arasında ən çox paylaşılan, izlənən və bəyənilən foto Türkiyə Prezidenti ilə olan görüşümə aid olub. Baxıram və təəccüb edirəm", - deyə Paşinyan bildirib.

Qeyd edək ki, Paşinyan və Ərdoğan arasında baş tutan görüş regionda münasibətlərin normallaşması baxımından xüsusi əhəmiyyət kəsb edir.