"Zülfiyyə xanımla yol getmişəm, həyatıma nifrət eləmişəm"

Müğənni Manaf Ağayev aşıq Zülfiyyə İbadovanın avtomobil idarə etmə tərzini sərt şəkildə tənqid edib. O, bu barədə televiziya proqramında danışıb və Zülfiyyənin maşını çox yüksək sürətlə idarə etdiyini vurğulayıb.

"Avtomobillə ehtiyatsız davranmaq olmaz. Rayona gedəndə sürücü radar olmadığını bilib sürəti artıranda, həmişə deyirəm ki, sürəti azalt. Ümumiyyətlə, yüksək sürətlə avtomobil idarə edənləri sevmirəm. Bir dəfə Zülfiyyə xanımla yol getmişəm, həyatıma nifrət eləmişəm. O, maşını saatda 200 kilometr sürətlə idarə edirdi. Həmin vaxt toya gecikmişdik. Amma unutmaq olmaz ki, avtomobil təhlükəsizliyə önəm verməlidir, çünki bir saniyə içində hər şey baş verə bilər. Sürəti bir az azaltmaq daha yaxşıdır," – deyə müğənni fikirlərini bölüşüb.