1991-ci il fotosu 7 milyon dəfə izlənildi-FOTO

Monika Belluççinin 1991-ci ildə çəkilən nadir fotolarından biri sosial şəbəkələrdə böyük marağa səbəb olub. Demokrat.az-ın məlumatına görə, bu şəkil "Victoria's Secret" kataloqu üçün çəkilib və Belluççinin modellik karyerasının başlanğıc illərinə aiddir. "X" sosial platformasında paylaşılan şəkil qısa müddət ərzində 7 milyon baxış toplayıb.

Aktrisa 1991-ci ildə "Victoria’s Secret Spring Preview" kataloquna poz verərək, məşhur alt paltar markası ilə ilk əməkdaşlıqlarını başlatmışdı. Bu şəkil sosial media istifadəçilərində nostalji hissləri yaratdı.

Bellucçinin 1991-ci il şəkli onun öz dövrünün ən məşhur aktrisa və modellərindən biri olmasını möhkəmləndirib. 90-cı illərin əvvəllərində "Victoria's Secret" ilə əməkdaşlıq etdiyi dövr onun beynəlxalq şöhrətinin artmasında mühüm rol oynayıb.

Monika Bellucci, "Malena", "The Matrix Reloaded" və "The Passion of the Christ" kimi filmlərdəki rolları ilə həm də aktrisalıq bacarıqlarını göstərib.