Faytonçu Nazim səhnəyə qayıdır
İnsult keçirən müğənni Nazim Pişyari (Faytonçu) səhhətinin yaxşılaşdığını və yenidən səhnəyə qayıdacağını bildirib. Həkimlərin icazəsi ilə müğənni el şənliklərində çıxış edəcək, lakin tam canlı ifa etməsi hələlik məhduddur.
AsimanFərzəliyeva 
İnsult keçirən tanınmış müğənni Faytonçu Nazim səhnəyə qayıdır. Müğənni verdiyi açıqlamada həkimlərin ona toy şənliklərində çıxış etməyə icazə verdiyini bildirib.
Nazim Pişyari çıxışları ilə bağlı bu sözləri deyib:
"Hamı bilir ki, mən toy şənliklərində canlı ifa edirəm. Həkimlər tam sağalana qədər bütün toyu oxumağa icazə vermir. Ancaq 2-3 saatlıq canlı ifa etməyə icazə var. Səhhətimi qorumaq üçün həkim məsləhətlərinə əməl edəcəyəm."
Xatırladaq ki, müğənni yanvarın 30-da küçədə yıxılaraq qapalı kəllə-beyin travması alıb. Həkimlərin müayinəsindən sonra ona insult diaqnozu qoyulub. Bir müddət xəstəxanada müalicə alan Nazim Pişyari artıq evə buraxılıb və səhhəti tədricən bərpa olunur.
