Emin Ağalarov: "Məni çox az görürlər, amma onlarla vaxt keçirmək böyük xoşbəxtlikdir"

Xalq artisti Emin Ağalarov övladları ilə bağlı duyğusal bir paylaşım edib. Müğənni sosial media hesabında qızı Əminə və əkizləri Mikayıl və Əli ilə birlikdə çəkilən görüntülərini izləyiciləri ilə bölüşüb.

Emin Ağalarov paylaşımında, "Ən çox sevdiyim və dəyərləndirdiyim vaxt istirahət zamanı olur. O anlarda övladlarımı bir araya toplayıb, onlarla keyfiyyətli vaxt keçirə bilirəm. Onlarla keçirdiyim hər an çox qiymətlidir, çünki onları çox az görürəm. Adətən onların yanında olmaq və sərbəst zaman keçirmək imkanım olmur. Çimərlikdə uzanmaq, uşaqlarla dənizdə çimmək böyük bir xoşbəxtlikdir. Belə anlar çox qiymətlidir və həyatımın ən qiymətli zamanlarıdır," – deyə, Emin fikirlərini bölüşüb.