Ağadadaş Ağayev: "İşə götürməsəm, kişi deyiləm"-VİDEO

Xalq artisti Ağadadaş Ağayev, Binəqədi Rayon Məhkəməsindəki prosesi tamamladıqdan sonra Baku TV-yə müsahibə verib. O, mübahisə etdiyi Nəzakət Paşayeva ilə barışıq barədə açıqlama verib və hadisə ilə bağlı aydınlıq gətirib. Ağadadaş Ağayev bildirib ki, Nəzakət xanıma balta dəyməyib və o, xəsarət almayıb. O, Nəzakət Paşayevanın qadın olduğunu vurğulayıb və ona çox hörmətlə yanaşdığını söyləyib. Ağadadaş Ağayev, qarşı tərəfi barışığa dəvət edərək, ona hər hansı bir yardımı etməyə hazır olduğunu da bildirib.
Ağadadaş Ağayev həmçinin, Nəzakət Paşayevanı işlə təmin etməyi təklif edib, ona dəstək olacağını və hətta işə götürməsə, kişi olmayacağını qeyd edib.