Flora Kərimovanın 30 Minlik Tələbinə Reaksiya: Həkimdən İddialar!
Xalq artisti Flora Kərimova və həkim Sevinc Heydərova arasında qalmaqal yeni mərhələyə keçib. Həkim Sevinc Heydərova Flora Kərimovanın ona qarşı əsassız ittihamlar irəli sürdüyünü və hətta şantajla 30 min manat tələb etdiyini açıqlayıb.
AsimanFərzəliyeva 
Heydərova iddia edir ki, Kərimovanın gözlərindəki problemlər başqa həkimlərin əməliyyatlarından qaynaqlanır və onun bu məsələdə günahsız olduğunu vurğulayıb:
"Flora xanımın gözlərindəki vəziyyəti mən yaratmamışam. Mən endokrinoloq deyil, nevroloqam və ixtisasımı dəyişmə hüququm var. Ancaq niyə yalnız mənə qarşı məhkəmə iddiası qaldırılır? Onun assistenti mənə 30 min manat verilməsini tələb etdi, əks halda rüsvay ediləcəyimlə təhdid olundum."
Flora Kərimovanın vəkili Elçan Həsənli isə iddiaları rədd edib və tələb olunan 30 min manatın yalnız maddi təzminat məqsədli olduğunu qeyd edib:
"Bu, məhkəmə yolu ilə tələb olunan kompensasiyadır, şantaj deyil. Flora xanımın gözlərində ciddi problemlər əmələ gəlib və bu səbəbdən məsələ hüquqi müstəvidə həll olunur. Əməliyyatla bağlı Ali Məhkəməyə kassasiya şikayəti təqdim edilib. Eyni zamanda, Səhiyyə Nazirliyinə qarşı ayrıca məhkəmə iddiası qaldırılıb."
