Ağadadaş Ağayevin məhkəməsi davam edir-FOTO

Xalq artisti Ağadadaş Ağayevə qarşı xuliqanlıq ittihamı ilə bağlı məhkəmə davam etdirilib. Binəqədi Rayon Məhkəməsində hakim Elçin Ağayevin sədrliyi ilə keçirilən prosesdə Ağadadaş Ağayevin səhhəti ilə əlaqədar olaraq iştirak edə bilmədiyi elan edilib. Prosesdə şahidlər ifadə verib, "Medera" hospitalında çalışan bir neçə şəxs dindirilib. Ağadadaş Ağayevin vəkili isə şahidlərin məhkəmədə verdikləri ifadələr ilə ibtidai istintaqa verdikləri ifadələr arasında ziddiyyət olduğunu bildirib.

Növbəti prosesdə sənədlərin tədqiqi mərhələsinə başlanacaq. Məhkəmə prosesi fevralın 6-da davam etdiriləcək.