Ailəsi ilə Novruzu qeyd etdi-FOTO

Xalq artisti Nazpəri Dostəliyeva Novruz bayramını ailəsi ilə birlikdə qeyd edib. Sənətçi bayram münasibətilə oğlu Əkbər, gəlini Ülkər və nəvələri ilə tonqal ətrafında bir araya gəlib. O, ailəsi ilə çəkilən görüntüləri sosial şəbəkə hesabında paylaşaraq sevincini izləyiciləri ilə bölüşüb.

"Gözümün nuru övladlarım. Gözəl analar, kədər sizdən uzaq olsun, sevinc ömrünüzü bəzəsin. Sizə bahar təravətli övlad sevgisi və xoşbəxt həyat arzulayıram. Baharımı sizinlə paylaşıb, bayramınız mübarək olsun deyirəm," – deyə Xalq artisti paylaşımında yazıb.