Aktyorun məhkəmə işinə nöqtə qoyuldu

"Pas" ("Rust") filminin çəkilişi zamanı 2021-ci ilin oktyabrında baş verən faciə nəticəsində operator Qalina Hatçinsin həyatını itirməsi ilə bağlı məhkəmə işinə son qoyulub. Nyu-Meksiko ştatının prokurorluğu, aktyor Alek Bolduinə qarşı ehtiyatsızlıqla adam öldürmə ittihamını dayandırıb. Ştatın xüsusi prokuroru Kari Morrissi apellyasiya şikayətini geri götürüb, aktyorun vəkilləri isə bu qərarı onun günahsızlığının təsdiqi olaraq qəbul ediblər. Bolduin, çəkiliş meydançasında təsadüfən açdığı silahdan atəş nəticəsində operatorun ölümünə səbəb olmuşdu. Cinayət ittihamları daha sonra geri götürülüb və aktyor layihədəki çəkilişlərinə davam edib."