Paris Hilton yeni görünüşü ilə şoka saldı-FOTO

Məşhur aktrisa, model və müğənni Paris Hilton, öz görünüşünü kökündən dəyişib və bununla da izləyicilərini heyrətləndirib. "Daily Mail" agentliyinin məlumatına görə, Hilton və əri, biznesmen Karter Reum, Beverly-Hillsdə alış-veriş edərkən paparatsılar tərəfindən çəkilib.

Görüntülərdən məlum olur ki, sarışın saçları ilə tanınan Paris Hilton bu dəfə qaraşın imicində olub. Onun yeni görünüşü pərəstişkarları arasında mübahisələrə səbəb olub: bəziləri onu cəsarətli dəyişikliyi münasibətilə təbrik edib, digərləri isə sarışın halının onun əsl obrazı olduğunu qeyd ediblər.

Paris Hilton 2021-ci ilin noyabrında Karter Reumla ailə qurub və 2023-cü ilin yanvarında surroqat anadan oğlanları Feliks dünyaya gəlib. Eyni ilin noyabrında isə onların London adlı qızları doğulub. Paris Hilton, 41 yaşında da hər zaman yeni sürprizlərlə pərəstişkarlarını təəccübləndirməyə davam edir. Hətta 2023-cü ilin dekabrında, tamamilə çılpaq olduğu provokativ bir fotosessiyada yer alıb. Onun bu şəkillərində yalnız parlaq hündür dabanlı çəkmələr və sırğalar ilə obrazı tamamlanıb.