Hollivud ulduzu Ancelina Coli, övladlığa götürdüyü oğlu Meddoksun pilotluq sahəsindəki karyera planlarından danışıb. Aktrisa oğlunun bu seçimindən qürur duyduğunu bildirib.
Aktrisa Ancelina Coli məşhur "The Tonight Show" proqramında maraqlı açıqlama ilə diqqət çəkib. Aktrisa övladlığa götürdüyü 23 yaşlı oğlu Meddoksun gözlənilməz bir peşə seçdiyini bildirib.
Coli oğlunun pilot olmaq üçün təlim keçdiyini və artıq bu sahədə ciddi addımlar atdığını qeyd edib: "Meddoks pilot olmaq üçün hazırlıq keçib və indi o, artıq pilotdur. Mən özüm də lisenziyalı pilotam və bu yolu seçməyimdə məhz Meddoksun təsiri olub."
Aktrisa 2004-cü ildə Meddoksun onu təyyarə idarə etməyi öyrənməyə təşviq etdiyini də xatırladıb. Məşhur ailənin bu yeni uğuru, sevənlərini sevindirib.
