"Arif Quliyev Dünyaya Başqa Yerdə Gəlsəydi, Dünya Ulduzu Olardı"

Əməkdar artist Qorxmaz Əlilicanzadə "AStar" layihəsində mərhum Xalq artisti Arif Quliyev haqqında maraqlı fikirlər səsləndirib. O, Arif Quliyevin aktyor kimi böyük istedada sahib olduğunu vurğulayıb və onun dünya şöhrəti qazanmasının rejissor dəstəyindən asılı olduğunu bildirib:

"Əgər Arif İtaliya, Fransa və ya İngiltərədə doğulsaydı, dünya miqyasında tanınan aktyor olardı. Azərbaycanda isə onu tam dəyərləndirən rejissor olmadı. Əgər belə bir rejissor qarşısına çıxsa idi, 10 qat daha qüdrətli obrazlar yarada bilərdi", – deyə o qeyd edib.

Qorxmaz Əlilicanzadə, Arif Quliyevin şəxsi həyatındakı çətinliklərdən də söz açıb. O, mərhum aktyorun 3 yaşında uşaqlar evinə verildiyini və sonradan doğma ailəsi ilə əlaqə saxlamadığını bildirib:

"Arif Quliyev qardaşlarını özünə yaxın buraxmırdı. Onun hansı səbəbdən uşaqlar evində böyüdüyünü bilmirəm. İnsanlarda daim özünü axtarırdı – bu xasiyyəti kimdən aldığını tapmağa çalışırdı. Onun yaşadıqlarını bilsələr, hər kəs kövrələrdi", – deyə Əməkdar artist əlavə edib.