"Bu uğuru yalnız biz üçümüz bacardıq" -VİDEO
Müğənni İzzət Bağırov Bakıda, Əl Oyunları Sarayında anşlaqla konsert verən az sayda sənətçilərdən biri olduğunu bildirib. O, bu uğuru yalnız özünün, mərhum reper Hüseyn Dəryanın və Türkiyəli ifaçı İbrahim Tatlısəsin əldə etdiyini vurğulayıb.
AsimanFərzəliyeva 
Müğənni İzzət Bağırov "Efirdən kənar" verilişində maraqlı açıqlamaları ilə diqqət çəkib. O, Bakıda Əl Oyunları Sarayında anşlaqla konsert verən üç sənətçidən biri olduğunu deyib.
"Əl Oyunları Sarayında indiyə qədər cəmi üç dəfə anşlaq olub. Biri mənim, biri mərhum reper Hüseyn Dəryanın, digəri isə Türkiyəli müğənni İbrahim Tatlısəsin konsertində. Orada böyük izdiham yaşanıb. Hələ indiyə qədər heç kim o zalı tam doldura bilməyib," – deyə İzzət bildirib.
İfaçı sonuncu dəfə 2017-ci ildə konsert verdiyini, daha sonra isə kino layihələrinə yönəldiyini və pandemiya səbəbindən fasilə verdiyini də qeyd edib.
