Aygün Kazımova Süni İntellektlə Hazırlanan Klipini Təqdim Etdi – VİDEO

Xalq artisti Aygün Kazımova 2025-ci ilin ikinci böyük layihəsini təqdim edib. Pop musiqinin kraliçası "Əlcək" adlı yeni mahnısını dinləyicilərlə bölüşərək, ona çəkilmiş innovativ klipi də təqdim edib.

Son dövrlərdə süni intellekt texnologiyalarına xüsusi maraq göstərən Kazımova, bu dəfə klipində tamamilə süni intellektin imkanlarından yararlanıb. Müğənni bir müddət əvvəl sosial şəbəkələrdə süni intellektlə yaradılan fotolarını paylaşaraq izləyicilərinin marağına səbəb olmuşdu. Sənətçi bu addımının səbəbini açıqlayaraq bildirib ki, bu görüntülər əslində klipinin anonsu imiş.

Sözügedən klip Rusiyada məşhur kreativ komanda – Elena İkonnikova və qrupu tərəfindən hazırlanıb. Mahnının müəllifi isə müğənninin "Bilmək olmaz" hitinə də imza atan Mirodur. Yeni layihəsi ilə yenidən gündəm olan Kazımova, texnologiyanı musiqi sənəti ilə birləşdirərək fərqli bir təqdimata imza atıb.