"Azər ölümdən qorxmurdu"
Kənan Yusifov Azər Baxşəliyevin ölümündən danışdı və mərhum aktyorun həyatına pozitiv yanaşmasından bəhs etdi.
AsimanFərzəliyeva 
Aktyor Kənan Yusifov Azər Baxşəliyevin vəfatı ilə bağlı BAKU.WS-ə açıqlama verib. Yusifov, Azərin sağlığında hər zaman hər şeyə pozitiv yanaşan bir insan olduğunu vurğulayıb: "Azər hər şeyə pozitiv yanaşırdı və həmişə nikbin olub. Ölümdən də qorxmazdı," deyə bildirib.
O, mərhum aktyorun çox yaxşı bir insan olduğunu və hər zaman başqalarına dəstək olduğunu qeyd edib: "Həmişə hər kəsə dəstək olardı. Allah rəhmət etsin! Ailəsinə baş sağlığı verirəm."
Xatırladaq ki, Azər Baxşəliyev poli orqan çatışmazlığından əziyyət çəkirdi və "Qurd qapısı" qəbiristanlığında dəfn olunub. Həkimlərin səylərinə baxmayaraq, aktyorun həyatını xilas etmək mümkün olmayıb.
