Azərbaycanlı Aktrisanın "Altın Kelebek"də İkiqat Sevinc Anı!-VİDEO
Türkiyədə keçirilən nüfuzlu "Altın Kelebek" mükafatlandırma mərasimində azərbaycanlı aktrisa Dəniz Tacəddin həm mükafat, həm də ana olacağını açıqlayaraq ikiqat sevinc yaşadı. Səhnədə duyğulu çıxışı ilə hər kəsin diqqətini çəkən aktrisa, oğlunun ona dəstək olduğunu vurğuladı.
AsimanFərzəliyeva 
Ötən gün Türkiyədə keçirilən möhtəşəm "Altın Kelebek" mükafatlandırma mərasimində azərbaycanlı aktrisa Dəniz Tacəddin səhnədə duyğusal bir açıqlama ilə diqqətləri üzərinə çəkdi.
O, mükafatını qəbul etdikdən sonra yaxın zamanda ana olacağını bildirib:
"Bu gün iki dəyərli hədiyyə ilə buradayam: "Altın Kelebek" mükafatı və oğlum. Oğlum məni bu çətin və xoşbəxt anlarda tək qoymur," - deyə aktrisa sevincini bölüşüb.
Bu xüsusi an mərasim iştirakçılarının böyük marağına səbəb olub və sosial mediada geniş müzakirələrə yol açıb.
