BMT-nin qala gecəsində Azərbaycandan danışdı

Birləşmiş Millətlər Təşkilatının Qaçqınlar üzrə Ali Komissarlığının xoşməramlı səfiri, məşhur ingilis aktyor Teo Ceyms, BMT-nin Müxbirlər Assosasiyasiyasının (United Nations Correspondents Association) təşkil etdiyi mükafat gecəsində Azərbaycana səfərindən danışıb. Teo Ceyms, BMT rəsmiləri və diplomatlarının qatıldığı gecədə çıxış edərək bu il Azərbaycanda keçirilən COP29-a qatıldığını və bu çərçivədə iqlim dəyişkənliyi ilə mübarizə sahəsində Bakıda keçirdiyi vacib görüşləri vurğulayıb.

Aktyor, ölkəmizdə səmərəli və gözəl vaxt keçirdiyini bildirib və Azərbaycan xalqına sevgilərini göndərib. Qeyd edək ki, UNCA mükafat gecəsində Teo Ceyms "İlin qlobal vətəndaşı" mükafatına layiq görülüb.