Birlikdə görüntüləndilər
Hollivud ulduzu Ancelina Coli 68-ci London Film Festivalında britaniyalı repçi Akala ilə birlikdə görüntülənib. İddialara görə, cütlüyün münasibətləri romantik xarakter daşıyır və bir neçə ildir sosial layihələrdə əməkdaşlıq edirlər. Coli və Akala bir-birinə qarşı xoş təəssüratlarını heç vaxt gizlətməyiblər.
AsimanFərzəliyeva 
Məşhur aktrisa Ancelina Coli və britaniyalı repçi Akala arasında romantik münasibət iddiaları yenidən gündəmə gəlib. Cütlük 68-ci London Film Festivalında birlikdə görüntülənərək, yenidən maraq doğurub. Coli qara şalvar kostyumu və jilet, Akala isə mavi kostyum və şərf ilə diqqət çəkiblər. Bu ilin avqustunda Venesiya Film Festivalında ilk dəfə birlikdə görünən cütlük münasibətlərini şərh etməsələr də, onların sosial və humanitar problemlərə olan ortaq marağı onları birləşdirən əsas amillərdən biridir. Mənbələrin sözlərinə görə, Coli Akala ilə əməkdaşlıq etdikləri layihələrdən yüksək dəyərlə bəhs edir.
