Brilliant Dadaşova və Səidə Dadaşova illər sonra bir səhnədə

Müğənni Səidə Dadaşova, illərdir küsülü olduğu xalası, Xalq artisti Brilliant Dadaşova ilə bir araya gəlib.

Səidə Dadaşova, "Xəzər axşamı" proqramında bu haqda sualları cavablandırıb. Verilişdə, sənətçi ilə xalası Brilliant və İradə Dadaşova ilə mahnı oxuması göstərilib.

Səidə, aparıcı Mətanət Əliverdiyevanın "Nə yaxşı bir yerdəsiniz" sualına belə cavab verib:

"Burada nə var ki... Bu, adi bir haldır. Biz bir yerdə bir səhnəni də paylaşa bilərik. Hər yerdə bir arada ola bilərik. Bu məclis Brilliant xanımın təşəbbüsü ilə təşkil olundu. Mənə dedilər ki, Səidə xanım da burada olmalıdır, mən də gəldim. Dedim ki, eşq olsun səhnəmizin Brilliantına. Yaxşı ki, səhnəmizin parlayan ulduzu var. Həqiqətən də, Brilliant Dadaşova olduğu yerdə sənət, musiqi və məktəb var. Həmişə bunu demişəm. Təəccüblənməyin, biz hər yerdə ola bilərik və sürprizlərlə doluyuq. Onunla bir səhnəni paylaşmaq mənim üçün böyük şərəfdir."

Qeyd edək ki, Səidə, Brilliant Dadaşovanın bacısı Sədaqət Dadaşova ilə mərhum Xalq artisti Rafael Dadaşovun qızıdır. Səidə uzun illərdir anası ilə küsülüdür.